KRU “HIDROMORAVA” SH.A. GJILAN
APEL PËR PAGESË TË FATURAVE TË UJIT
Gjilan, 08 tetor 2020 – KRU “Hidromorava” falënderon të gjithë konsumatorët që janë të rregullt në pagesat e faturave të shërbimeve të ujit, mirëpo kohëve të fundit është rritur numri i konsumatorëve të cilët nuk po i shlyejnë detyrimet ndaj kompanisë për shërbimet e ofruara. Mospagesa e detyrimeve rrezikon operimin e kompanisë, duke patur parasysh obligimet që ka kompania ndaj operatorëve të tjerë, punëtorëve dhe shpenzimet e mëdha operative në trajtimin dhe distribuimin e ujit, atëherë vetëm pagesat e juaja na mundësojnë furnizim të rregullt me ujë.
KRU “Hidromorava” e shtyrë nga borxhet e mëdha të akumuluara nga mospagesa e faturave për shërbime të ujit është e detyruar të marrë masa ligjore të bazuara në legjislacionin në fuqi dhe lëndët e konsumatorëve borxhli do të procedohen te përmbaruesi privat për procedurë përmbarimore dhe padi në gjykatë.
Për çdo vërejtje me shkrim kompania do të ju ngarkojë me kosto shtesë: vërejtja 3.24 € si dhe shpenzimet e përmbarimit 18% e vlerës së borxhit të akumuluar.
Prandaj, ju ftojmë që të lajmëroheni në kompani për pagesat e faturave të ujit, ku kompania do të ju ofrojë lehtësira dhe me mundësi programimin e borxhit me këste në të kundërtën do të pasojnë procedurat e cekura më lartë.
Ju lutemi kurseni ujin dhe paguani faturat!
Vetëm së bashku mund të ngrisim nivelin e kualitetit dhe shërbimeve të ujësjellësit dhe kanalizimit.
Për çdo informatë shtesë, ju lutem kontaktoni
Mob: 044983071, Tel: 0280326980,
Kujdestaria inaktive: 044719813.
www.kru-hidromorava.com
Ju faleminderit!
