Me rastin e 31 vjetorit të shpalljes së Deklaratës Kushtetuese të 2 Korrikut, Kryetari I komunës së Vitisë Sokol Haliti, ka pritur në takim ish deputetët e Kuvendit të atëhershëm të Kosovës, Nezir Sallahu, Osman Nuhiu, si dhe Sylë Salihun djalin e ish deputetit të ndjerë Hysni Salihu.
Në këtë takim, u evokuan kujtime për ngjarjet e 2 Korrikut 1990 dhe u kujtuan ata që sot nuk janë në mesin e të gjallëve.
Ndryshe, sot në komunën e Vitisë, do të zhvillohen një varg aktivitetesh për nderë të kësaj dite. Manifestimi qendror do të mbahet në Beguncë, ku edhe do të luhet finalja e turneut tash më tradicional i “2 Korrikut”.
Po ashtu, pos ndeshjeve që do të zhvillohen para finales, do të ketë edhe fjalë rasti nga kryetari Sokol Haliti, si dhe një program artistik në përmbyllje. /2LONLINE.com/
