Kombëtarja e Kosovës do ta nis sot ciklin kualifikues për Euro 2024 me ndeshjen e parë që do ta luaj si mysafire kundër Izraelit.
Ky ballafaqim do të zhvillohet sot në stadiumin “Bloomfield” në Tel Aviv, në orën 18:00 (sipas kohës në Kosovë).
Kombëtarja e Kosovës është optimiste për rezultat pozitiv nga ky ballafaqim dhe nismë të mbarë në këtë rrugëtim.
Ditë më parë, përzgjedhësi i Kombëtares së Kosovës, Alain Giresse, në konferencën për media, kishte deklaruar se ekipi i tij është përgatitur në çdo aspekt dhe udhëton me synim për të realizuar fitore. /2LONLINE/
