Mbledhja e rregullt e Komitetit Komunal për Mbrojtje dhe Shpëtim (KKMSH), ka filluar sot me një minutë heshtje në shenjë respekti për dy qytetarët vitias Valon dhe Taulant Ramadani të cilët kanë humbur jetë në një aksident trafiku.
Gjatë këtij takimi është folur për gjendjen e pandemisë me virusin COVID-19.
Me këtë rast zv. Kryetari i Komunës së Vitisë, Hasan Aliu tha se gjendja e pandemisë në këtë komunë për momentin është e mirë, por theksoi se duhet të respektohen masat e Institutit Kombëtar të Shëndetësisë Publike të Kosovës (IKSHPK) dhe institucioneve tjera me qëllim të mos këtë rritje të infektuarave me këtë virus.
Ndërkaq Komandanti i Stacionit Policor në Viti, Kapiten Afrim Halili, theksoj se Policia e Kosovës në Viti, gjatë javës së shkuar ka shqiptuar 138 gjoba për mos bartjen e maskave edhe pse theksoi se numri i qytetarëve që respektojnë bartjen e maskave është rritur.
Ai gjithashtu bëri me dije se stacioni policor në Viti është përforcuar me 10 policë të rijnë. Sipas tij policia në Viti është e angazhuar në respektimin e masave anti COVID-19 sipas ligjit përkatës por edhe të vendimeve të reja të nivelit qëndro dhe se ata po vazhdojnë bashkëpunimin me Inspekcioni Komunal në Viti.
Hanife Jonuzi, Drejtoreshë për Shëndetësi dhe Mirëqenie Sociale në Viti, theksoi se situata në Viti është e mirë por theksoj se situata e pëgjithshme në nivel vendi është e vështirësuar prandaj ajo theksoj se ne duhet të jemi të përgatitur.
Skënder Ahmeti, Drejtor i Inspekcionit theksoi se ata po vazhdojnë me inspektimi dhe në rast që hasin në mos respektim të vendimeve konformë ligjit në fuqi do të marrin masa duke bërë me dije edhe vendimet e reja të qeverisë në fushën e gastronomisë.
Kurse, Basri Aliu, Drejtor i Arsimit në Viti, tha se 12 punëtorë të arsimit janë të prekur nga virusi COVID-19 në mesin e tyre mësimdhënës dhe punëtor tekniik. /2LONLINE.com/
