(2L ONLINE) – Besim Ismaili është një bashkëpunëtor i suksesshëm me veti e virtyte të mira, duke i kushtuar vëmendje të madhe e sidomos aspekteve të menaxhimit brenda klubit dhe punës grupore.
Ismaili ka ndërtuar marrëdhënie pune efektive dhe të përgjegjshme me zyrtarët e klubit, duke shprehur tek anëtarët e kryesisë, lojtarët e deri tek tifozët, aftësitë e tij për të demonstruar përkujdesje, bashkëpunim, respekt, besim dhe është i njohur për modestin tij gjatë prononcimeve për media.
/Ismaili së bashku me Shalën duke pritur kontingjentin zviceran të gazetarëve/
Besim Ismaili kuptoi aspektet financiare të klubit Drita, si edhe vendosi qëllimet dhe masat për progresin, suksesin dhe përpilimin e politikave të klubit.
/Ismaili së bashku me Yarat përfaqësuesin e Sivasporit/
Strategjia zhvillimore e z. Ismailit u dëshmua edhe me organizimin e shkollës së futbollit te klubit Drita dhe bashkëpunimet me ekipet jashtë Kosovës. Vlen të theksojmë bashkëpunimin me KF. Sivasspor dhe Bursaspor nga Turqia dhe pasurimin e kategorisë superiore të Shqipërisë me lojtarë të KF. Dritës.
/Ismaili i afërt me futbollistët/
Ismaili vlerëson njerëzit që kontribuojnë për sportin Kosovar, rasti i fundit është kur e mori iniciativën për të organizuar turneun memorial tradicional Bezi- Raci- Reshi , i cili turne me insistimin e Besim Ismailit në cilësinë e kryetarit organizativ të turneut dhe bashkëpunëtorëve të tij Shala dhe Rashiti, e futën në kalendarin e Komunës dhe tash ky turne për çdo vit do të organizohet nën patronatin e Komunës në bashkëpunim me KF. Dritën.
/Ismaili organizator i turneut memorial Bezi-Raci-Reshi/
Besim Ismaili dëshmoi se di të krijojë një ambient pune në të cilin njerëzit të ndjehen mirë moralisht dhe struktura të jenë të motivuar për të punuar fort dhe për të arritur suksese. KF. Drita nën udhëheqjen e Ismailit, ka garuar çdo herë në Superligë.
/Ismaili i afërt edhe me tifozët/
Punën e mirë të Besim Ismaili e konfirmuan edhe Isuf Morina, Afrim Shahini, Islam Rashiti, Artan Latifi dhe ish udhëheqësit Saqip Shala dhe Ismajl Rashiti,
Ismaili cilësohet nga struktura e klubit dhe nga tifozët ikonë e klubit futbollistik Drita. /Drilon SYLEJMANI/2L ONLINE/
