![KDS trajnon pjesëtarët e FSK-së në fusha specialistike](https://2lonline.com/file/2024/05/KDS_FSK245-850x560.webp)
Në ambientet e Komandës së Doktrinës dhe Stërvitjes në kazermën “Skënderbeu” në Ferizaj, u realizuan ceremonitë e certifikimit për kurset “Sistemi i Informimit dhe Komunikimit – Niveli I”, kursi “Reaguesit e Parë – Shpëtimi i Jetës në Fushëbetejë”, kursi “Udhëheqës i Poligonit dhe Mbikëqyrës i Vijës së Zjarrit” si dhe “Kursi bazik i Gjuhës Turke”, njofton FSK.
Pjesëmarrës në këto kurse ishin pjesëtarë të njësive të FSK-së, të cilët gjatë kësaj periudhe u stërvitën dhe u përgatitën në fusha të ndryshme specialistike: qitje me armë, ofrim të ndihmës së parë në rast lëndimesh në mjedise taktike si dhe aftësimin e përdorimit të radiosistemeve në nivel individual dhe ekipor.
Në ceremoninë e këtyre kurseve morën pjesë Sfati Komandues i KDS, si dhe Komandanti i Kontingjentit Turk, Kolonel Sabri Gokhan Karamursel, me stafin e tij. /2LONLINE/