Federata e Boksit e Kosovës (FBOXK), ka bërë të ditur se më 18-19 tetor do të organizoj Kampionatin e Kosovës në boks për të gjitha grup-moshat. Sipas FBOXK-së garat e këtij kampionati do të mbahen në Pallatin e Rinisë dhe Sporteve në Prishtinë.
“Gjysmëfinalet fillojnë në orën 15:00, kurse matja zyrtare e boksierëve bëhet nga ora 11-12h, ndërsa finalet fillojnë në ora 12:00 dhe matja zyrtare e boksierëve bëhet nga ora 8 deri 9”, është thënë në njoftimin e FBOXK-së.
Sipas këtij njoftimi, pritet një boks cilësor dhe duele interesante pasi që konkurrenca do të jetë shumë e fortë e sidomos tek boksierët junior, ku shumica prej tyre kanë marrë pjesë dhe në turne të ndryshme ndërkombëtare dhe kampionate evropiane e botërore.
