“Fotografët e Botës së Egër nga komuna jonë Arian Mavriqi e Besnik Jakupi, sot kanë unazuar dy zogj të vegjël të Lejlekut të Zi në Kamenicë, që sipas tyre po ndodhë për herë të parë në Kosovë, e gjithë trojet shqiptare”, thuhet në faqen zyrtare të Facebook-ut të komunës ës kamenicës.
Mavriqi e Jakupi këto unazime i bënë në bashkëpunim me profesorin Qenan Maxhuni nga MMPH, i cili këto unaza i kishte dhuratë nga kolegët e tij gjerman, por të njëjtat i dhuroi për këtë rast.
“Sot kemi shkruar një faqe të re të historisë. Këta zogj nga sot do mbajnë unazat, shifrat e të cilave bëjnë identifikimin se këta lejlekë janë të Kamenicës e Kosovës. Falënderoj nga zemra kryetarin Qëndron Kastratin për mbështetjen që na e jep vazhdimisht dhe MMPH-në. Gjithashtu falënderoj profesor Maxhunin që ishte sot me ne.”, ka thënë Mavriqi.
Sipas tij, vitin tjetër do t’u vendosen GPS dhe kamera, për të parë shtegtimin e tyre. /2LONLINE.com/
