Kadriu: Policët tanë të lirohen nga pagesat gjatë shërbimeve mjekësore në QKMF

Kushtrim Kadriu, kryesues i Kuvendit Komunal të Gjilanit ka thënë se policët tanë duhet të lirohen nga pagesat gjatë shërbimeve mjekësore në QKMF.

“Sot pata kënaqësinë ta pres në takim kryetarin e Sindikatës të Policisë së Kosovës, dega në Gjilan, Ragip Ajeti. Pranova zyrtarisht kërkesën që policët tanë të lirohen nga pagesat gjatë shërbimeve mjekësore në QKMF”, ka thënë Kadriu.

Ai tha se këtë kërkesë me kënaqësi do ta dërgojë në asamble.

“Policët tanë ende nuk kanë sigurim shëndetësor përkundër rrezikshmërisë së madhe që përballen gjatë punës së tyre”, ka thënë Kushtrim kadriu, kryesues i Kuvendit Komunal të Gjilanit.  /2LONLINE/