Ka ndërruar jetë drejtori i Drejtorisë së Shërbimeve Publike në Komunën e Vitisë, Nexhmedin Jakupi.
Kryetari i Komunës së Vitisë, Sokol Haliti ka ngushëlluar familjen Jakupi, duke theksuar se lajmi për vdekjen e drejtorit Jakupi, ishte lajm shokues.
Ja postimi i tij i plotë i kryetarit Haliti:
Të shokuar nga lajmi për vdekjen e drejtorit shembull, Nexhmedin Jakupi
Dita e sotme nuk ka mundur të përfundojë më rëndë, se sa me lajmin për vdekjen e drejtorit të Drejtorisë së Shërbimeve Publike në Komunēn e Vitisë, Nexhmedin Jakupi.
Jemi të shokuar dhe prekur thellë nga humbja e një drejtori shembullor dhe të një bashkëpunētori të përkushtuar, e të palodhur.
Nexhmedini, nuk kurseu veten në asnjë moment. Ishte në dispozicion, kohë e pakohë, ditën dhe natën, ditëve të pushimit dhe të festave, pēr t’iu ofruar qytetarëve shërbimet publike.
Ishte nder dhe kënaqësi të punoja për gati tetë vite me një njeri të urtë, punētor, të sinqertë e të afërt, siç ishte Nexha.
Ngushëllime familjes Jakupi, të afêërmve, banorëve të Radivojcit, miqve, kolegëve dhe institucioneve komunale!
Me dhembje të thellë,
Kryetari i Komunës së Vitisë,
Sokol Haliti.
