Ismajli: Drejtorët dhe zëvendësdrejtorët e shkollave që u larguan padrejtësisht janë viktima të një hakmarrjeje politike

Pas njoftimit të Drejtorisë Komunale të Arsimit (DKA), në Gjilan lidhur me vendimet që kishin të bënin me drejtorët dhe zëvendësdrejtorëve e disa shkollave ( shih: DKA merr vendime për transferime sa i përket drejtorëve dhe zëvendësdrejtorëve të disa shkollave) ka reaguar, Arbër Ismajli, nënkryetar i LDK-së së Gjilanit, i cili ka thënë se drejtorët dhe zëvendësdrejtorët e shkollave që u larguan padrejtësisht janë viktima të një hakmarrjeje politike shumë të ulët.

Ismajli ka thënë se në vend të meritës dhe përvojës, u zëvendësuan për interesa të ngushta. Konkurset publike po manipulohen për militantë, ligji po shkelet, dhe arsimi po goditet rëndë.

“Asnjëherë nuk do të pranojmë që shkollat tona të humbasin rolin e tyre edukues e menaxhues për interesa të dikujt”, ka thënë Ismajli i LDK-së.

Sipas tij, drejtësia dhe profesionalizmi do të kthehen në udhëheqje të arsimit. “Tetori po vjen bashkë me përgjigjen e merituar”, ka thënë nënkryetari i degës së LDK-së në Gjilan, Arbër Ismajli, që njëherësh do të jetë kandidat i këtij subjekti politik për kryetar komune në zgjedhjet lokale që do të mbahen në tetor. /2LONLINE/