(2L ONLINE) – Autoritetet policore kanë bërë me dije se në fshatin Pasjak të Gjilanit, policia, njësiti përkatës, gjatë realizimit të një plani operativë në një pikë kontrolli ka ndaluar veturën civile të llojit Audi A4 ku gjatë kontrollimit tek i dyshuari (vozitësi) në trup i janë gjetur dhe konfiskuar 5.3 gram substancë e dyshuar narkotike e llojit marihuanë.
Vetura e dyshuar është kontrolluar nga njësiti K-9 mirëpo nuk është gjetur asgjë e dyshimtë. Vetura në fjalë është konfiskuar ndërsa i dyshuari me urdhër të Prokurorit është liruar, rasti në procedurë të rregullt. /2L ONLINE/
/fotoilustrim/
