Autoritetet policore kanë bërë me dije se në Gjilan ka ndodhur një aksident trafiku, ku shoferi i një veture humb kontrollin mbi automjetin e tij, del jashtë rruge dhe godet një urë betoni.
Lëndime pësojnë drejtuesi i automjetit dhe bashkudhëtarët në veturë, të cilët janë dërguar për tretman mjekësor në Spitalin e Gjilanit, ku dy prej tyre si pasojë e lëndimeve më të rënda janë transportuar për në QKUK, Prishtinë.
Raporti i policisë
AKSIDENT TRAFIKU
Gjilan 27.06.2021-00:05. Raportohet se i dyshuari mashkull kosovar përderisa ishte duke drejtuar veturën VW Jetta me targa lokale, duke mos përshtatur shpejtësinë e lëvizjes me kushtet e rrugës, humb kontrollin mbi veturën del jashtë rruge dhe godet një urë betoni. Si pasojë e aksidentit drejtuesi dhe katër pasagjerë (dy femra kosovare, një mashkull kosovar dhe nja mashkull shtetas i huaj) kanë pësuar lëndime trupore dhe të njëjtit janë dërguar për tretman mjekësor ne Spitalin e Gjilanit, ku dy prej tyre si pasoj e lëndimeve të renda janë transportuar ne QKUK Prishtinë. /2LONLINE.com/
