Ekipi kosovar, Ballkani ka shënuar sonte fitore ndaj Shkupit, duke bërë që të kalojë në fazën e grupeve të Conference League.
Kjo ndeshje përfundoi me rezultat 1 me 0 , për Ballkanin që kishte fituar edhe në Shkup (2 – 1), dhe me rezultat të përgjithshëm 3 -1, kaloi tutje në grupet e UEFA Conference League.
“Ne jemi historia, ky është vetëm fillimi”, thuhet në komunikimin zyrtar të këtij klubi nga Suhareka, që në edicionin e kaluar ishte kampione e Kosovës.
Përndryshe, Ballkani bëhet skuadra e parë kosovare që arrin fazën e grupeve në gara evropiane.
Urime të shumta ka marr ky klub për këtë kualifikim, ndërsa veçojmë atë të klubeve gjilanase FC Drita dhe SC Gjilani.
FC Drita
Urime FC Ballkani
FC DRITA uron klubin dhe stafin e FC Ballkanit për kualifikimin në fazën e grupeve në kuadër të garave në Conference League.
FC DRITA ju dëshiron suksese të mëtejme.
𝐅𝐂 𝐃𝐑𝐈𝐓𝐀
SC Gjilani
Përgëzime FC Ballkani për kualifikimin në fazën e grupeve të UEFA Conference League
Urojmë që sukseset t’i vazhdoni edhe në ndeshjet tjera evropiane!
