Kryetari i Komunës së Gjilanit, Lutfi Haziri përmes një postimin në facebook ka konfirmuar tri rastet e reja me COVID – 19, në këtë komunë.
Haziri tha se prej mostrave të marra nga Instituti Kombëtar i Shëndetësisë Publike, edhe tre raste të reja janë konfirmuar me #Covid19 në Gjilan, derisa shtatë persona kanë rezultuar negativ.
Bëhet fjalë për dy bashkëqytetarë që punojnë në Bondsteel Camp, ndërkaq rasti tjetër është bashkëshortja e N.I. Pra, dy raste nga qyteti dhe tjetri nga Lladova.
Lajmi i mirë është se prej 21 rasteve nga numri total, 14 trajtohen të shëruar plotësisht, derisa shtatë janë me infeksion.
Ne po luftojmë me të panjohurën. Mos i rrezikon fëmijët, familjen, lagjen e qytetin tuaj. #rriNshpi
