SC Gjilani ka vazhduar me përforcime cilësore për edicionin e ri. Skuadra ka zyrtarizuar edhe mesfushorin e Ferizajt, Qëndrim Dautaj.
Në fakt për Dautajn është një rikthim te Gjilani, pasi para disa viteve ishte pjesë e klubit gjilanas për një edicion.
Gjatë edicionit të kaluar, Qëndrim Dautaj tek Ferizaji i shënoi 6 gola dhe i realizoi 4 asistime, me ç’rast ishte dhe ndër mesfushorët më produktivë në Ipko Superligën e Kosovës.
Postimi i plot i SC Gjilanit:
Gjilani nënshkruan me mesfushorin Qëndrim Dautaj
Gjilan, 26 Qershor-Qëndrim Dautaj është futbollisti më i ri i Gjilanit.Dautaj emër i njohur në futbollin kosovar, në Gjilan vie pas një edicioni të kaluar tek KF Ferizaji.
Në fakt për Dautajn është një rikthim në skuadrën e Gjilanit, pasi ai para disa edicioneve ishte pjesë e Gjilanit, ku për një stinor kishte mbrojtur ngjyrat e ekipit kuq e bardh të Gjilanit.
Qëndrim Dautaj, i lindur në Deçan karrieren e tijë e nisi në vendlindje me skuadrën e Deçanit ku dhe u afirmua në futbollin e Kosovës.Paraqitjet në futbollin kosovar, Dautaj i vazhdoi edhe për disa skuadra të ndryshme sikurse ajo e Besës së Pejës, Flamurtarit, Llapit e Ferizajit, skuadër nga e cila u transferua në ekipin e Gjilanit.
Pas disa problemeve shendetesore ku u penalizua nga disa dëmtime, mesfushori Dautaj rikthimin e formës se tijë e bëri me skuadrën e Ferizajit, që në “sprintin” final të kampionatit ishte lojtari kyq i ferizajasëve në fitoret, ku i siguruan mbijetesen në Superligë.
Gjatë edicionit të kaluar, Qëndrim Dautaj tek Ferizaji i shënoi 6 gola dhe i realizoi 4 asistime, me ç’rast ishte dhe ndër mesfushorët më produktivë në Ipko Superligën e Kosovës.
