Komuna e Gjilanit ka përfituar sot edhe një projekt nga Komisioni Europian, që është i katërti partneritet me këtë institucion të rëndësishëm.
Kësaj radhe projekti ka të bëjë me përfshirjen e të rinjve dhe vajzave në bujqësi në kuadër të promovimit për ekonomi sociale dhe qëndrueshmërisë së zhvillimit lokal ekonomik.
Marrëveshjen me Komisionin Europian e ka nënshkruar sot kryetari i Komunës së Gjilanit, Lutfi Haziri, i cili ka bërë të ditur se projekti kap koston e mbi 400 mijë eurove.
