Fjalimi i Ambasadores së Mbretërisë së Holandës në Kosovë, Carin Lobbezoo, me rastin e mbajtjes së Konferencës Vjetore të Prokurorëve.
Zonja Presidente
Ministër i Drejtësisë
Kryeprokuror i shtetit
Kryesues i KPK-së
Të nderuar prokurorë
Zonja dhe zotërinj,
Së pari, unë do të doja të falënderoja nikoqirët e sotëm Kryeprokurorin e Shtetit dhe Kryetarin e KPK-së që më ftuan të flas në Konferencën tuaj Vjetore. Kam nderin dhe kënaqësinë.
Shpesh më pyesin pse Holanda i kushton rëndësi kaq të madhe Sundimit të Ligjit. Për ne, Sundimi i Ligjit është ‘një koncept fitues’. Është një parakusht për demokracinë që funksionon mirë; është thelbësore për rritjen ekonomike, për stabilitetin, llogaridhënien dhe për të siguruar që të gjithë jemi njësoj para ligjit.
Sundimi i ligjit është themeli dhe nëse themeli është i fortë, ashtu do të jetë edhe pjesa tjetër.
Sigurisht që ndërtimi i këtij themeli nuk është një detyrë e lehtë. Duhet kohë, sjell sfida, kërkon vendime të vështira dhe është thjesht punë e vështirë.
Gjatë gjithë viteve përmes programeve dhe ekspertëve tanë, Holanda ka qenë partner i Kosovës në forcimin e Sundimit të Ligjit.
Mbështetja jonë për sistemin e prokurorisë, për ta bërë atë të pavarur, llogaridhënës, efektiv dhe efikas ka qenë dhe është akoma, element kyç në angazhimin tonë për Sundimin e Ligjit në Kosovë.
Dhe nëse bëjmë një hap prapa, ne shohim se është bërë shumë përparim dhe është arritur shumë. Kjo është diçka për tu krenuar dhe për të cilën të gjithë keni kontribuar në mënyrë të konsiderueshme në rrethana jo gjithmonë të lehta.
Por mbetet ende punë dhe përmirësime për t’u bërë. Unë i kuptoj plotësisht sfidat që vijnë me forcimin e mëtejshëm të sistemit të drejtësisë.
Shumicën e kohës nuk ka rregullime të shpejta ose zgjidhje të lehta.
Por unë jam i bindur që me angazhimin dhe përkushtimin tuaj, është e mundur të krijoni një sistem efektiv dhe efikas të prokurorisë në të cilin çështjet e vështira si krimi i organizuar dhe korrupsioni i profilit të lartë mund të ndiqen me sukses.
Sidoqoftë, nuk mund ta theksoj mjaft rëndësinë e punës suaj si prokurorë. Në mendjen time ju mund të bëheni ‘heronjtë modernë të vendit tuaj’. Por si ta bëni këtë?
Epo, me një farë frymëzimi nga linja ime e punës – diplomacia – dhe një ndihmë të vogël të këshilltarit tim ligjor, unë kam 3 sugjerime rreth të cilave ju mund të jeni të gatshëm të reflektoni.
Para së gjithash. Tregoni se çfarë po punoni. Duke komunikuar në media për hetime të suksesshme, aktakuza dhe ndjekje penale, ju do të krijoni besim në sistemin gjyqësor dhe në të njëjtën kohë bëni të qartë se krimi nuk jep rezultat.
Së dyti. Të merrni rolin kryesor. Është e qartë që prokuroria punon ngushtë me policinë, por duhet të jetë prokurori ai që udhëheq procesin, përcakton strategjinë për hetimin dhe vendos për rrugën përpara.
Së treti. Jini të përgatitur. Në raste të vështira punoni së bashku në ekipe. Diskutimi i rasteve me kolegët ndihmon në përgatitjen më të mirë gjatë prezantimit të rasteve. Puna në ekip gjithashtu siguron hetime me cilësi të lartë dhe ndihmon në shmangien e boshllëqeve ligjore ose afateve që mund t’ju mposhtin gjatë procesit. Dhe gjithmonë përfshini sekuestrimin dhe konfiskimin. Kjo është mënyra e vetme për të siguruar ndëshkimin e duhur të krimit të organizuar dhe korrupsionit të nivelit të lartë.
Shpresoj që ju të merrni frymëzim nga kjo dhe mbase ta diskutoni më tej gjatë Konferencës suaj.
Në ndërkohë, më lejoni t’ju sigurojë se mund të llogarisni në mbështetjen e Holandës në përpjekjet tuaja për të përmirësuar Sundimin e Ligjit në Kosovë.
Unë sinqerisht shpresoj që në konferencën e vitit të ardhshëm kur të takoheni përsëri do të jeni në gjendje të kushtoni një sasi të konsiderueshme të kohës tuaj për të diskutuar sukseset tuaja të vitit 2021 ndërsa vetëm një numër i kufizuar e sfidave për sistemin e drejtësisë do të mbetet për vitin 2022.
Më lejoni ta mbyll fjalimin duke ju falënderuar për vëmendjen dhe duke ju dëshiruar shumë forcë, mençuri dhe sukses në punën tuaj.
