Ismet Hashani, zëdhënës i Policisë së Kosovës (PK), në Drejtorinë Rajonale në Gjilan ka bërë me dije se që nga 10 janari 2018 deri me 07 nëntor 2018 në Policinë e Kosovës në rajonin e Gjilanit janë raportuar gjithsejtë 44 raste të “Zjarreve” dhe “Zjarrvënieve”.
Policia e Kosovës thërret dhe apelon të gjithë qytetarët që në as një mënyrë mos të hapin zjarre në vende të hapura qoftë edhe në prona private, me qëllim të pastrimit të arave përmes ndezjes së mbeturina në to.
“Për shkak të temperaturave të larta që po mbretërojnë për këtë periudhë të vitit dhe motit të thatë zjarret po dalin nga kontrolli duke shkatërruar sipërfaqe të tëra të maleve, fushave dhe plantacioneve të mbjella me pemë, objekte afariste dhe hapësira tjera duke kërcënuar direkt pasurinë dhe jetën e njerëzve”, ka thënë Hashani
Zëdhënësi Hashani ka bërë me dije se të gjithë ata persona që në çfarëdo mënyre shkaktojnë zjarre kudo qoftë, do të zbatohen masa ligjore, dhe do të ketë zero tolerancë ndaj tyre, duke ngritur kallëzime penale dhe rastet e tyre do të dërgohen në Gjykatë.
