Në kuadër të manifestimit “Ditët e Diasporës 2021”, të shtunën më 31 korrik 2021, Drejtoria për Kulturë, Rini dhe Sport e Komunës së Kamenicës, organizon ecje në Meshinë – “Ta njohim Trashëgiminë”.
Gjatë kësaj ecje 3.5 kilometra, në gjithë fshatin Meshinë do të vizitohen objektet e vjetra si mullinj, shtëpi, stalla dhe xhamia e fshatit. Gjithashtu do të ketë edhe ekspozitë me eksponate etnografike nga fshati, si dhe një drekë me ushqime tradicionale.
Terreni që do të vizitohet është i rrafshët, i lehtë për ecje, me hije të shumta e me burime uji, me përroin e fshatit që kalon krahas rrugës, gjithashtu i përshtatshëm edhe për fëmijë dhe mosha më të vjetra.
Ftojmë të gjithë të interesuarit të marrin pjesë në këtë aktivitet i cili është falas.
Nisja bëhet nga komuna me autobus me fillim nga ora 10:00. /2LONLINE.com/
