Të dielën më 29 shtator nga ora 15:00 do të zhvillohet derbi numër 30-të kampional mes dy skuadrave nga i njejti qytet, e që për vite të tëra kanë krijuar derbin më të madh lokal në vend.
Bëhet fjalë për rivalitetin e shëndoshë gjilanas mes SC Gjilanit dhe FC Dritës, ku si cdo vit lënë gjurmë për organizimet dhe atmosferën, sidomos në ditën e derbit nga “Intelektualët” dhe “Skifterat”.
Gara këtë vit është edhe më e ‘ashpër’ për shkak që të dyja skuadrat kanë bërë investime të mëdha në transferime dhe tashmë zënë kreun e tabelës, respektivisht vendin e dytë Gjilani dhe Drita të tretin me vetëm një pikë diferencë.
E me vetëm një fitore dallim është edhe bilanci i triumfuesit sipas statistikave.
Drita numëron 10 fitore, kurse Gjilani 9, ndërkohë që 10 duele të tjera kanë përfunduar me rezultat të barabartë.
Rezultatet e arritura ndërmjet këtyre dy skuadrave gjatë garave kampionale nga viti 1999/00.
1999/00: Gjilani-Drita 0-3 dhe Drita-Gjilani 3-1;
2000/01: Drita-Gjilani 0-0 dhe Gjilani-Drita 3-0 (rez. zyrtar pasi Drita nuk pranoi të luaj);
2001/02: Gjilani-Drita 0-1 dhe Drita-Gjilani 3-0;
2002/03: Drita-Gjilani 0-0 dhe Gjilani-Drita 1-6;
2003/04: nuk u luajt derbi pasiqë Gjilani bojkotoi Superligën;
2004/05: nuk u luajt derbi pasiqë Gjilani ishte në ligen e dytë;
2005/06 dhe 2006/07: nuk luajt derbi pasiqë Drita luajti në ligën e dytë;
2007/08: Drita-Gjilani 1-1 dhe Gjilani-Drita 2-0;
2008/09: Gjilani-Drita 2-1 dhe Drita-Gjilani 1-3;
2009/10: nuk u luajt derbi pasiqë Drita luajti në ligen e dytë;
2010/11: Drita-Gjilani 0-0 dhe Gjilani -Drita 0-0 (hera e parë që derbi u luajt në Ligën e Parë).
2011/12: Gjilani – Drita 0-1, Drita-Gjilani 2-0 dhe Drita-Gjilani 1-2…
2012/13: nuk u luajt derbi pasiqe Gjilani luajti ne ligen e dyte;
2013/14: nuk u luajt derbi pasiqe Gjilani luajti ne ligen e dyte;
2014/15: nuk u luajt derbi pasiqe Gjilani luajti ne ligen e dyte;
2015/16: Drita – Gjilani 0-3, Gjilani – Drita 0-2, Drita – Gjilani 0-1
2016/17: Drita – Gjilani 0-1, Gjilani – Drita 1-1, Gjilani – Drita 0-1
2017/18: Drita – Gjilani 1-1, Gjilani – Drita 0-0, Gjilani – Drita 1-1
2018/19: Gjilani – Drita 1-0, Drita 3-1 Gjilani, Gjilani 0-0 Drita
