BIBLIOTEKA E QYTETIT “FAN S. NOLI”- GJILAN-2023
Të dashur lexues, nxënës, studentë e qytetar- Gjilanas,
Biblioteka Juaj, këtë vit 2023 ka mbushur 85 vjet nga hapja e saj, dhe po përmbyllë vitin 2023 me këto rezultate;
Biblioteka, nga janari deri më tani në llogari të DKRS Gjilan ka dorëzuar 15. 431.9 euro nga anëtarësia e saj.
Që nga janari biblioteka ka;
– të regjistruar 2629 anëtarë të rregullt.
-Mbi 2500 përdorues anëtarë të Bazës – On-line UNPAYWALL, ku secili nga lexuesit e përmes profilit zgjedh materialin e tij të preferuar: /plus.cobiss.net/cobiss/ks/sq/bib/search/simple?db=bqgj/
Në bibliotekë kanë hyrë -3663 ekz. të librave;
-5361 ekzemplarë librave të përpunuara dhe të inventarizuara;
-4715 autorë janë hedhur në katalogun elektronik të bibliotekës.
-16 188 libra të huazuar,
-janë huazuar gjithashtu 525 revista dhe 9558 gazeta dhe materiale tjera të periodikut.
-në sallat e bibliotekës janë bërë mbi 40 mijë shërbime për studentë dhe
-Me 26696 kërkime e hulumtime të bazës së katalogut on-line, studentët kanë mundur të shfletojnë revistat dhe artikujt shkencor;
Po përveç punëve profesionale ditore në bibliotekën e qytetit nuk kanë rreshtur edhe aktivitetet e përhershme kulturore që janë edhe agjendë e institucionit:
-Biblioteka ka aktiv dy “Klube të leximit” njëri për fëmijë të vegjël të moshës 7 – 15 vjeç dhe
Klubi i leximit për mosha të rritura i cili në bashkëpunim me bibliotekën promovon dhe diskuton libra e autorë eminent, sociologë e filozofë të njohur kombëtar dhe botëror.
Në formë kronologjike Aktivitetet tjera kulturore gjatë vitit 2023 janë;
-Më 5 janar të 2023, fëmijët-anëtarë të bibliotekës (Artur Murtezi, Anisa Pajaziti, Amin Ahmeti dhe Tuana Shabani) nga “Qytetari digjital” me emrin e grupit “Four Star” që vitin 2022 ishin të parët në nivel Republike;
27 janar në kuadër të “Penës së Flakës” – është promovuar jeta dhe veprat e Rexhep Elmazit- poet shkrimtar dhe veprimtar i njohur dhe qytetar gjilanas.
-28 janar Gara e Enigmatëve të Kosovës
-31 janar është mbajtur Ora e Madhe Letrare “Pena e flakës 2023”
Në shkurt,
Për nder të Pavarësisë së Kosovës data 17 Shkurti në bibliotekë janë shpallur 4 lexues të dalluar;
• Tuana Shabani…………………………. nx. SHFMU “Abaz Ajeti” – Gjilan
• Arbana Musliu………………… nx. e SHFMU “Ramiz Cërnica”- Cërnicë
• Rina Miftari ………………………. nx. Shkolla e Mesme e Arteve- Gjilan
• Bujar Shabani…………………………….. lexues i pasionuar i Bibliotekës
– 18 mars, në Ditën Botërore të poezisë në bibliotekë është bërë promovim i librit “ Dhembja mban emrin tënd” të autorit -Hevzi Mustafa.
-Në bashkëpunim me kryetarin e shoqatës së të verbërve të Gjilani z. Bajram Spahiu, biblioteka ka krijuar fondin e saj me libra të alfabetit Braille dhe audio-libra, duke ia bashkëngjitur atyre edhe librat e blera sivjet veçanërisht për këtë komunitet lexuesish.
-më 22 maj “Javës së Bibliotekës së Kosovës” ngjarje kulturore ku Ambasadori i R Hungarisë ka dhuruar libra në mënyrë që të krijohet një kënd Hungarez brenda fondit bibliotekar, më këtë rast ai konfirmoi bashkëpunimin e tillë kulturor me Komunën e Gjilanit si dhe me bibliotekën si institucion.
-më 24 maj Komuna e Gjilanit- Biblioteka e qytetit dhe drejtori i zyrës OSBS Gjilan dr. Igli Totozani ndanë Certifikata të mësimit të gjuhës shqipe për nxënës të komunitetit Rom;
-Më 03 qershor 2023 nën përkrahjen e DKRS- Gjilan është promovuar autori për fëmijë Hysen Këqiku me veprën e fundit “ Lulelalet veshin petale”…. gjithashtu;
më 24 qershor poetja Nazmije Xhaferi-Hasani në sallën e bibliotekës promovoi librin me poezi të titulluar Vallja e ringjalljes”;
-më datë 20 korrik në kopshtin e bibliotekës për qytetarët dhe bashkatdhetarët është shfaqur filmi “Zgjoi”;
-Me datë 21 korrik 2023 në kuadër të bashkëpunimit dhe promovimit të botimeve nga Instituti Albanologjik ka dhuruar për bibliotekën 119 revista dhe libra;
-Më datë 07 gusht në bibliotekë nën udhëheqjen e A. Bekteshit–është mbajtur aktiviteti për fëmijë të qytetit me temën “ Piknik me poezi” ;
-Më 16 08 2023 në kuadër të garës “Qytetari digjital” lexuesit e bibliotekës sonë ishin mikpritës të aktivitetit dhe të koordinatores kryesore të kësaj gare Elza Krelani Prishtinë ku ata u paraqitën me inovacionet e tyre në këtë projekt;
-Me datë 25 gusht 2023 autori i mirënjohur gjilanas Hysen Këqiku nën një ceremoni solemne ka dhuruar pjesën tjetër të bibliotekës së tij personale për bibliotekën e qytetit;
– 19 Shtator 2023 – Biblioteka e Qytetit “Fan S Noli” Gjilan, sivjet ka pasur ngjarjen më të madhe për vet institucionin 85 vjetorin e hapjes, me këtë rast për studentë, për qytetarët e mysafirët tjerë është dhënë një program të pasur kulturor e festiv në 85 vjetorin e saj. Po këtë ditë bibliotekës sonë iu është shtuar edhe biblioteka personale e gazetarit e veprimtarit Kurtesh Devaja;
-Më 07 tetor Biblioteka e Qytetit, në bashkëpunim me Ars-Club “B Musliu” dhe Sabit Rustemin udhëheqës të klubit sivjet ka hapur Siparin e Manifestimit tradicional kulturor “ Vjeshta letrare e Gjilanit”-2023, ku në tre muaj deri më datë 16 dhjetor ka shpalosur dhe promovuar veprat letrare, historike, autobiografike dhe monografike të më se 20 autorëve më të njohur Gjilanas, Kosovar dhe Shqiptarë, të gjithë autorët dhe të gjitha veprat e tyre janë të ekspozuara në hollin e bibliotekës
Aktivitetet tjera bashkëpunimi me shkolla dhe biblioteka shkollore;
Me qenë se biblioteka është institucion publik edhe shërbimet i jep tërë publikut pa dallim moshe, race e gjinie, këtë vit biblioteka përveç studentëve ajo ka pritur e përcjellë edhe mijëra qytetarë e grupe interesi siç: fëmijë parashkollorë, nxënës e mësues, pensionistë e intelektualë, ushtarakë e zyrtarë policorë dhe më shumë dashamirës të fjalës artistike e jetës kulturore në qytet dhe Anamoravë.
Andaj:
Nga janari deri më tani Bibliotekën e vizituan në mënyrë të organizuar mijëra nxënës dhe arsimtarë të dhjetëra shkollave, institucioneve edukative e parashkollore të komunës sonë dhe qindra studentë qytetarë të huaj nga Irlanada, Kroacia, Turqia, Shqipëria, Italia e Hungaria që interesoheshin për fondin librar dhe gjithë përfshirjen e lexuesve.
Gjithashtu,
Pa harruar edhe kontributin çmueshëm në punë të tre nga kolegëve tanë: Adem Shabani (i ndjerë), Habim Arifi e Bali Sahiti të cilët sivjet dolën në pension; si dhe gjestin bujar e MIRËNJOHËS të ish lexuesit, intelektualit dhe mikut të madh të bibliotekës dr. Naim Musliu-New York, i cili për vitin e katër rresht paguan anëtarësinë për më se 20 studentë e nxënës që janë në vështirësi ekonomike.
Për fund,
Në emër të gjithë punonjësve të bibliotekës Ju,
Urojmë Festat e fundvitit dhe ju dëshirojmë shëndet e vit më të lumtur dhe më të begatë për Ju dhe familjet tuaja.
Gëzuar për të gjithë 2024-a!
Biblioteka e Qytetit “Fan S. Noli”- Gjilan – Drejtor Qazim Azizi
