Partia Demokratike e Kosovës (PDK) ka mbajtur mbledhjen e Këshillit Drejtues ku edhe është votuar Kryesia e Re dhe pjesë e kësaj kryesie, nga sot e tutje, është edhe Aurora Osmani Buca, aktualisht nënkryetare e Degës së PDK-së në Gjilan.
“Pas besimit që më është dhënë kohë më parë për të udhëhequr një drejtori komunale, më pastaj pas besimit për të qenë nënkryetare e PDK-së këtu në Gjilan, nga sot do të jem pjesë e kryesisë së Partisë Demokratike të Kosovës në nivelin qendror”, ka bërë me dije Aurora Osmani Buca, transmeton 2LONLINE.com.
Ajo theksoi se është e natyrshme e normale që në momente të tilla të veçanta, ndjenjat të jenë të përziera, e nuk gjendet një emërtim adekuat për t’i shfaqur ato.
“Kjo ndodh për shumë arsye, mes ndjenjës së përgjegjësisë, krenarisë, triumfit, skepticizmit, pyetjes se a do të jem mjaftueshëm i/e mirë, kontributit e përkushtimit, angazhimit e falënderimit, mirënjohjes e duartrokitjes, krijohet një tërësi e miksuar, e të cilën e kuptojnë drejtë vetëm ata që shohin përtej vetes, e përpara atributeve të rastësishme, kanë një platformë fantastike e serioze”, ka thënë ajo.
Aurora Osmani Buca shtoi se përtej kësaj nuk ka çka të shtojë, për t’u shprehur falënderues ndaj kryetarit të PDK-së, Memli Krasniqi dhe ndaj kryetarit të Degës së PDK-së, në Gjilan, Riad Rashitit.
Më poshtë, gjeni listën e plotë të Kryesisë së Re të Partisë Demokratike të Kosovës (PDK):
- Memli Krasniqi, Kryetar
- Vlora Çitaku, Sekretare e Përgjithshme
- Bedri Hamza, Nënkryetar
- Uran Ismaili, Nënkryetar
- Agim Aliu, Nënkryetar
- Shaqir Totaj, Nënkryetar
- Besianë Musmurati, Nënkryetare
- Mimoza Ahmetaj, Nënkryetare
- Bajrush Xhemaili, Sekretar për Politika Programore
- Abelard Tahiri, Sekretar për Organizim dhe Zgjedhje
- Bernard Nikaj, Sekretar për Marrëdhenie Ndërkombëtare
- Betim Gjoshi, Sekretar për Anëtarësi dhe Financa
- Enver Hoxhaj
- Rrahman Rama
- Jakup Nura
- Sokol Bashota
- Evgjeni Thaçi – Dragusha
- Nexhat Demaku
- Besa Kabashi – Ramaj
- Zenun Pajaziti
- Valdete Idrizi
- Elmi Reçica
- Mërgim Lushtaku
- Ferat Shala
- Fehmi Mujota
- Petrit Hajdari
- Eliza Hoxha
- Ganimete Musliu
- Blerta Deliu – Kodra
- Ariana Musliu – Shoshi
- Floretë Zejnullahu
- Blerand Stavileci
- Luljeta Veselaj – Gutaj
- Muhamet Haliti
- Kujtim Gashi
- Safete Hadërgjonaj
- Genc Prelvukaj
- Kurtan Kajtazi
- Bekim Azizi
- Përparim Gruda
- Arben Mustafa
- Aurora Osmani – Buca
- Arbnora Salihu, Kryetare e RDK
· Adri Nurellari, Drejtor i Institutit për Studime dhe Analiza
· Naim Ismajli, Drejtor Ekzekutiv i PDK-së
