Në kuadër të festave të fundvitit, organizma të ndryshëm, qofshin, institucione publike, OJQ, organizata të ndryshme apo edhe biznese private, po organizojnë aktivitete të ndryshme duke përfshirë në to edhe shpërndarjen e dhuratave për fëmijë.
Në këtë vazhdë, për të sjellë gëzimin në fytyrat e fëmijëve, për këtë Vit të Ri, edhe Astoria Luxury & SPA Hotel, ka ndërmarrë një aksion të tillë për të dhuruar dhurata për fundviti.
Menaxherja Zamira Elezi – Ramadani ka bërë me dije se kanë përzgjedhur Qendrën e Kujdesit Ditor “PEMA” në Gjilan, e cila ofron shërbime të nevojshme për fëmijë me nevoja të veçanta, për t’i gëzuar fëmijët e kësaj qendre për Vitin e Ri.
Ajo ka bërë me dije se janë shpërndarë 80 pako dhuratash për fëmijët e kësaj qendre dhe se aktivitete të tilla humane do të vazhdojnë nga “Astoria” edhe në të ardhmen.
