Policia e Kosovës ka bërë me dije se kanë arrestuar dy të dyshuar për vjedhje. Rasti ka ndodhur në Gjilan ku policia ka ndaluar dy të dyshuarit dhe gjatë kontrollit tek të njëjtit janë gjetur 6 palë patika, 6 palë farmerka dhe kabllo të rrymës.
Për më tepër, shih raportin e policisë:
VJEDHJE
Gjilan, 21.03.2021 – 00:45. Njësitë policore kanë ndaluar dy të dyshuar meshkuj kosovarë dhe gjatë kontrollit tek të njëjtit janë gjetur 6 palë patika, 6 palë farmerka dhe kabllo të rrymës. Lidhur me rastin është intervistuar menaxheri i kompanisë i cili ka pohuar se mallrat e vjedhura ishin nga magazina e kompanisë. Në lidhje me rastin është konsultuar prokurori i shtetit me vendim të së cilit të dyshuarit dërgohen në mbajtje.
