Agjencia kundër Korrupsionit ka dalë me opinion për zgjedhjen e rektorit të Universitetit të Prishitnës “Hasan Prishitna”, Ramadan Zejnullahu se votimi i burrit të motrës së tij për zgjedhje të Zejnullahut në krye të UP-së nuk paraqet konflikt interesi.
Sipas një komunikate të lëshuar për medie rreth kërkesës së studentëve të UP-së ditë më parë nëse zgjedhja e tij nga Bordi i UP-së pjesë e të cilit ka qenë edhe baxhanaku i tij, Blerim Kamberi i cili e ka votuar për rektor, nuk paraqet konflikt të interesit pasi baxhanaku nuk është në rrethin e ngushtë familjar.
“Burri i motrës se gruas (baxhanaku),nuk cilësohet si i afërt me zyrtarin, dhe nuk mund të quhet si lidhje familjare, pasi që Ligji për Parandalimin e Konfliktit te Interesit(Nr.04/L-051) nuk e njeh si kategori ligjore që hyn në afërsi me zyrtarin e lart. Sipas Kodit Penal të Republikës se Kosovës, burri i motrës së gruas (baxhanaku), nuk është cilësuar se mund te jetë personi i cili mund të shkaktoj veprën penale të Konfliktit te Interesit,pasi qe nuk hyn në listën e personave të afërsisë familjareme zyrtarin e caktuar sipas nenit 424 të këtij kodi”, thuhet në vendim.
Ekzistimi i rrethanës së konfirmuar në procesin e zgjedhjes se Rektorit të UP-së në mes të z. Kamberi si burri i motrës së gruas (baxhanaku) i Rektorit të zgjedhur të UP-së “Hasan Prishtina”, sipas legjislacionit i cili përcakton afërsinë në mes të personave, është konstatuar si rrethanë e cila nuk është e ndaluarapo sanksionuar me normat dhe ligjet në fuqi.
Andaj pjesëmarrja e z. Kamberi si anëtarë i Këshillit Drejtues të UP-së “Hasan Prishtina” në këtë votim nuk është e ndaluar ngase nuk është paraparë ndonjë ndalës apo sanksion lidhur me këtë veprim.
