Drejtoria për hetimin e trafikimit me narkotik, në Gjilan dhe Pejë, kanë realizuar një operacion policor me ç’ rast kane arrestuar dy persona të dyshuar me dyshimin e bazuar për posedim të substancave narkotike.
Operacioni policor është realizuar në rajonin e Gjilanit, pas informatave të siguruara përmes rrugëve operative se në një fshat më konkretisht në shtëpinë dhe lokalin pronë e të dyshuarit M. A. (1973) ka në posedim substanca narkotike.
Hetuesit policor nga kjo drejtori gjatë bastisjes në shtëpinë dhe lokalin, personit të dyshuar (M. A.) kanë gjetur dhe konfiskuar në cilësi të provave materiale rreth 877.9 gram substancë e dyshuar narkotike e llojit Heroine, 408.8 gram substancë e dyshuar narkotike e llojit Marihuan, dhe 56 tableta ekstazi.
Ndërsa tek i dyshuari Sh. A. (1989) gjatë bastisjes janë gjetur dhe konfiskuar në cilësi të provës 1.3 gram substancë e dyshuar narkotike e llojit Marihuan.
Të gjitha veprimet policore lidhur me këtë rast janë kryer nën autorizimin e prokurorit përkatës dhe ndaj dy të dyshuarve është caktuar masa e ndalimit për 48 orë për të vazhduar me procedurat tjera hetimore.
