Ansambli i Këngëve dhe Valleve “Gjilani” në festivalin e këngës popullore “N’konak të Rahovecit na bashkon kënga shqipe – 2023” nga juria profesionale u shpërblye me tri çmime:- Çmimit të dytë, – Okestra më e mirë dhe – Solisti më i mirë – Adnan Leka
AKV ” Gjilani” në këtë festival u paraqit me këngë popullore me këngëtarët :Qemajl Musliu, Lumturie Shabani, Adnan Leka, Elona Sadiku, Eroll Ahmeti, Afrim Haziri, Finesa Selimi, Gramos Daku, Dea Shabani në përcjellje nga orkestra profesionale me udhëheqës artistik Murat Ismajli dhe aranzhuesin profesional prof. Burhan Azizi.
“Në emër te Ansamblit falënderojmë organizatorët dhe drejtorin e festivalit Prof. Naser Dula për bujarinë dhe pritjen e jashtëzakonshme. Urime të gjithë anëtarëve të AKV “Gjilani “ dhe gjithë fituesve të ansambleve të tjera pjesëmarrëse”, thuhet në njoftimin e këtij Ansambli. /2LONLINE/
