/2L ONLINE/ – Policia e Kosovës është njoftuar se me 25 janar 2017 rreth orês 13:10 të mesditës ka ndodhur një aksident trafiku, në rrugën Gjilan -Ferizaj, ma saktê nê fshatin Kllokot. Njësitet e trafikut rajonal me urgjencë i janë përgjigjur thirrjes duke dalë në vendin e ngjarjes.
Ismet Hashani, zëdhënës i Policisë së Kosovës (PK), në Drejtorinë Rajonale në Gjilan ka thënë se nga hetimet e para mësohet se deri te aksidenti të ketë ardhur kur vetura Golf me tabela 06 duke mos e përshtatë shpejtësinë kushteve dhe gjendjes së rrugës godet nga mbrapa veturën Mercedes. Po me tabela 06 nga mbrapa. Si pasoj e goditjes vozitësi i veturës Golf Shqiptar shtetas i Kosovës (1928) pëson lëndime tē rēnda dhe me urgjencë është dërguar në ambulantēn e fshatit Pozhoran, ku mjeku kujdestar vetëm se ka konstatuar vdekjen e viktimës, besohet si pasojë e plagëve të pësuara nê aksident.
Zëdhënësi hashani tha se edhe dy persona tjerë, që të dy shqiptarë shtetas të Kosovës, të lënduar në këtë aksident janë dërgua nê Spitalin Rajonal të Gjilanit, ku gjendja e tyre shëndetësore raportohet të jetë stabile. Prokurori i shtetit ka urdhëruar që trupi i pa jetë të dërgohet për obduksion në institutin mjeko ligjor në Prishtinë. /2L ONLINE/
