Zyrtarizohet marrëveshja e sponsorizimit të Ligës së Parë
Sot presidenti i Federatës së Futbollit të Kosovës, Agim Ademi dhe pronari i kompanisë “Viva Fresh” Xhevdet Rexhepi, e zyrtarizuan marrëveshjen për sponzorizimin e Ligës së Parë.
Nga kjo kontratë e lidhur ndërmjet FFK-së dhe kompanisë “Viva Fresh” do të përfitojnë 20 klubet e Ligës së Parë të të dyja grupeve. Në bazë të marrëveshjes së arritur palët u dakorduan që Liga e Parë në edicionin e ri garues të quhet “Viva Fresh Liga e Parë”. Kampionati i ri në “Viva Fresh Ligën e Parë” fillon më 28 gusht.
Ndërkaq, të drejtat televizive të kësaj lige për edicionin 2021/2022 i ka fituar kompania “Art Motion”, duke ia siguruar kësaj lige 150 mijë euro për vit futbollistik, marrëveshje e cila u zyrtarizua dje, njofton FFK. /2LONLINE.com/