Zyrtare: Mario Zebic i bashkohet Gjilanit

Sport Club Gjilani ka bërë me dije se ka arritur marrëveshje për transferimin e futbollistit Mario Zebic.

Mbrojtësi nga Spliti i Kroacisë ka nënshkruar një kontratë që do ta mbajë pjesë të klubit “kuqebardh” deri në verën e vitit 2027.

“29-vjeçari ka treguar aftësi të jashtëzakonshme gjatë karrierës së tij dhe pritet të sjellë cilësi dhe përvojë të rëndësishme në skuadrën tonë”, thuhet në njoftimin e klubit.

Ai i është bashkuar menjëherë ekipit në seancat stërvitore, duke u vënë në dispozicion të stafit teknik.

“I urojmë mirëseardhje të përzemërt Marios në familjen tonë dhe shumë suksese me fanellën e Gjilanit”, thuhet në fund të njoftimit.  /2LONLINE/