Zviceranet ndihmojnë shëndetësinë Vitiase
(2L ONLINE) – Kryetari i Komunës së Vitisë, Sokol Haliti ka pritur sot në takim kryetarin e organizatës (Le Fonds d’Aide Internationale au Développement) F.A.I.D, Dr. Pierre-Yves Amgwerd si dhe Yves Blanc nga shtetit Zviceran të cilët kanë sjell një donacion me mjete mjekësore.
Kryetari i Komunës së Vitisë, Sokol Haliti i falënderoj organizatën F.A.I.D për donacionin e sotëm i cili sipas tij do të lehtësoj punën e mjekëve në Viti duke potencuar se donacionet e tilla nga shtetet mike si Zvicra janë një dhuratë e veçantë për qytetarët Vitias.
“Me lejoni që të ju falënderoj për donacionin e sotëm e cila është shumë e rëndësishëm për punën e mjekëve por edhe për qytetarët tanë pasi me këtë pritet të përmirësohen shërbimet mjekësore ndaj qytetarëve tanë” u shpreh Haliti.
Ndërkaq Kryetari i F.A.I.D, Dr. Pierre-Yves Amgwerd tha se shpresojmë se sadopak ky donacion do të shërbej qytetarëve të Vitisë.
“Sot po ndihem shumë mirë pasi që me të vërtetë populli i Kosovës është shumë mikpritës, andaj kjo po më bënë që të ndihem si Kosovar” u shpreh Dr. Amgwerd.
Ndërkaq kryetari Haliti tha se vet fakti se keni dhënë një donacion Komunën e Vitisë tregon se ju jeni një mik i madh i këtij vendi. Për ndryshe në këtë donacion përfshihen mjete dhe inventar mjekësor si tavolina operacioni, tavolina të gjinekologjisë, shtretër lëvizëse etj.
Gjithashtu gjatë këtij takimi përfaqësuesit e kësaj organizate kanë theksuar se do ti shkojnë mundësitë që edhe në të ardhmen ta mbështesin Vitinë me donacione./2L ONLINE/