Zv.Ministri Bajram Gecaj vizitoi Komunën e KamenicësC

(2L ONLINE) – Kryetari i komunës së Kamenicës Begzad Sinani e ka mirëpritur zv. Ministrin e Ministrisë së Administrimit të Pushtetit Lokal, Bajram Gecaj, me bashkëpunëtorë i cili vizitoi Kamenicën në kuadër të fushatës sensibilizuese për regjistrimin falas të qytetarëve të komunitetit romë, ashkali dhe egjiptian.

Kryetari Sinani e njoftoi zv, Ministrin, për aktivitetet që i ka ndërmerr komuna, së bashku edhe me institucionet qendrore e organizatat e ndryshme joqeveritare, përmirsimin e kushteve jetësore të komunitetit rom. Pjesëtarët e këtij komuniteti që jetojnë në komunën e Kamenicës janë 520, ku shumica e tyre jetojnë në qytet, fshatin Berivojcë dhe një familje 30 anëtarshe në fshatin Strezoc.

Komuna e Kamenicës i ka të regjistruar të gjithë romet e kthyer, me përjashtim të dy fëmijë në Strezoc, të cilët në javën e ardhshme do të regjistrohen. Përfaqësuesit e komunës shpesh herë i kanë vizituar, romët e shpërngulur që janë të strehuar në kampin e Bujanocit dhe atë të Shkupit.

Zv.ministri Gecaj u interesua edhe për gjendjen në komunën e kamenicës, realizimin barazisë së gjuhëve e informacione tjera,për të cilat informoi edhe nënkryetari i komunës për komunitete, Dragisha Saviq. Ai u shpreh i kënaqur me udhëheqjen komunale e cila i kushton rëndësi ,që edhe komunitetet pakicë të jenë përfituese të projekteve të ndryshme të infrastrukturës.

Kryetari Sinani dhe zv. Ministri Gecaj e vizituan familjen 30 antarëshe në Strezoc, ku u informuan drejtpërsëdrejti për problemet e kësaj familje.

Po ashtu Kryetari Sinani e informoi zv.Ministrin që komuna e Kamenicës ka aplikuar në tri projekte në MAPL-në dhe kërkoi që të ketë prioritet Komunën e Kamenicës. /2L ONLINE/