Postat suedeze kanë lëshuar në qarkullim pulla postare me imazhin e sulmuesit të kombëtares suedeze, Zlatan Ibrahimovic. Një veprim i tillë ka nxitur entuziazëm në mesin e tifozëve, raporton AFP.
Aktualisht Ibrahimovic po luan si sulmues në kampionatin francez dhe është lider në ligën nacionale franceze me Paris Saint-Germain.
“Francezët janë veçanërisht të interesuar për Ibrahimoviqin”, tha shefi i departamentit postar “Mark”, duke bërë të ditur që një klient kishte porositur 1500 pulla postare për miqtë e tij në Francë.
Nga pesë pullat postare në shitje, tri imazhet në to janë të ndeshjes miqësore Suedi – Angli, të mbajtur më 14 nëntor 2012 në Stokholm, dhe gjatë të cilës Ibrahimovic kishte shënuar 4 gola.
albinfo.ch