Zjarri shkakton dëme në pemët e mbjella, dëmtohen edhe shtyllat elektrike

Policia e Kosovës , Stacioni Policor në Gjilan është njoftuar nga ankuesi, i cili ka raportuar se nga persona, tani për tani, të panjohur është ndezur një zjarr i cili është përhapur në plantacionin e tij.

Rasti ka ndodhur n ëfshatin Sllakoc të Gjilanit.

Ismet Hashani, zëdhënës i Policisë së Kosovës (PK), në Drejtorinë Rajonale në Gjilan ka bërë me dije se, referuar deklaratës së ankuesit, janë shkaktuar dëme të konsiderueshme materiale duke iu djegur pemët e mbjella si dhe janë dëmtuar poashtu edhe së paku tri shtylla elektrike.

“Njësitet policore kanë dal në vendin e ngjarjes, zjarrfikësit po ashtu kanë dalë në vendin e ngjarjes dhe e kanë lokalizuar zjarrin. Është njoftuar prokurori, rasti procedohet për hetime të mëtejme”, ka thenë zëdhnësi Hashani.