Zjarr në qendrën tregtare “Mediteran”, kryetari i Vitisë del në vendin e ngjarjes

Kryetari i Komunës së Vitisë, Sokol Haliti, ka dalë sot në vendin e ngjarjes pas zjarrit që ka përfshirë hapësirat e qendrës tregtare “Mediteran” në qytetin e Vitisë.

Në vendngjarje kanë intervenuar njësitet e zjarrfikësve, Policia e Kosovës dhe ekipet emergjente, të cilat kanë arritur ta lokalizojnë zjarrin.

Kryetari Haliti falënderoi ekipet për reagimin e shpejtë dhe shprehu mbështetjen institucionale për bizneset e prekura nga ky rast.

Sipas informatave të para, raportohet për dëme materiale, ndërsa shkaqet e zjarrit po hetohen nga organet kompetente. /2LONLINE/