Zjarr në një banesë: Një i vdekur, e konfirmon policia

Ismet Hashani, zëdhënës i Policisë së Kosovës (PK), në Drejtorinë Rajonale në Gjilan ka thënë se Drejtoria rajonale e Policisë, stacioni policor në Gjilan, sot me  08.07.2023 në ora 08:45 nga qendra emergjente 112 ka pranuar një informatë se nga një banesë afër tregut të gjelbër, kati i katërt, është duke dal tym.  Janë angazhuar njësitet patrulluese.  Njësitet e zjarrfikësve me urgjencë  kanë dalë në  vend të ngjarjes.

“Janë evakuuar të gjithë banorët e banesave përreth për çështje sigurie.  Hetuesit rajonalë kanë dalë në vendin e ngjarjes bashkë me prokurorin e shtetit. Nga hetimet e para njoftohet se në  banesë është  gjetur një person pa shenja jete, i gjinisë mashkullore, rreth  50 vjeç “, ka bërë me dije zëdhënësi Hashani.

Prokurori i shtetit ka urdhëruar që trupi i pajetë të dërgohet në Institutin e Mjekësisë Ligjore (IML).

“Hetuesit rajonal janë duke i hetuar rrethanat e këtij rasti të rëndë që na ka tronditë të gjithëve”, ka thënë toger Hashani.   /2LONLINE/