Zhvillimi ekonomik fillon me mbështetjen e bizneseve vendore dhe krijimin e kushteve që ato të rriten e të hapin vende të reja pune

“Sot, së bashku me kandidatin për Kryetar të Komunës, Riad Rashiti, dhe kandidatë të tjerë të listës së PDK-së për Asamble, patëm kënaqësinë të vizitojmë kompaninë “ASK FOODS” në Gjilan”, tha Mrika Krasniqi Shala, e cila është kandidate për Asamblenë Komunale në listën e PDK-së, në zgjedhjet e 12 tetorit, 

Ajo bëri të ditur se aty u pritën nga pronarët e kësaj kompanie të suksesshme, me të cilët diskutuan për sfidat dhe mundësitë që ka sektori privat në Gjilan.

“Ne besojmë fuqishëm se zhvillimi ekonomik fillon me mbështetjen e bizneseve vendore dhe krijimin e kushteve që ato të rriten e të hapin vende të reja pune. Me besimin tuaj, do të jemi zëri i sipërmarrësve dhe qytetarëve në Kuvendin Komunal”, thotë Mrika Krasniqi Shala. /2LONLINE/