Zhbogar: Aktakuza e parë e Gjykatës Speciale, në janar të vitit të ardhshëm

Përfaqësuesi special i BE-së në Kosovë, Samuel Zhbogar, ka thënë se ligji për Gjykatën Speciale që trajton krimet e kryera nga disa ish-pjesëtarë të UÇK-së do të hyj në fuqi vetëm pas nënshkrimit nga Presidentja e Kosovës, Atifete Jahjaga.

Sipas Zhbogarit, shkruan Tanjug, aktakuzat e para ndaj të dyshuarve për krime lufte do të shqiptohen në janar të vitit të ardhshëm, transmeton Indeksonline.

Tanjug ka shkruar gjithashtu edhe rreth deklaratave të gazetarit Milaim Zeka i cili ka publikuar një listë të politikanëve kosovarë, të cilët sipas tij do të gjykohen nga Gjykata Speciale

Ndërkaq, sipas ambasadës angleze Gjykata Speciale do të vendoset në Hagë, Holandë. /Indeksonline/