Zhbllokohet rruga Debellde-lagja e Shaqirajve

/2L ONLINE/ – Drejtoria e Shërbimeve Publike e komunës së Vitisë ka intervenuar në hapjen e rrugës Debellde-Lagja e Shaqirajve, e cila ishte bllokuar nga rrëshqitja e dheut.

Kjo rrugë sipas zyrtarëve komunal të Drejtorisë së Shërbimeve Publike, ka qenë e bllokuar për gati 3 ditë, ndërkohë që sot në orët e mesditës ajo është e kalueshme.

Kurse vazhdon të jetë e bllokuar rruga për Samakovë e cila është e dëmtuar dhe sipas zyrtarëve komunal në orët e pasdites pritet të intervenohet edhe në këtë rrugë. Rrëshqitje të dheut që kanë vështirësuar qarkullimin ka edhe në Lubishtë./2L ONLINE/