Zharku e Sinani nënshkruan marrëveshje bashkëpunimi për infrastrukturën rrugore

/2L ONLINE/ – Ministri i Infrastrukturës Lutfi Zharku sot ka priur në një takim në zyrën e tij kryetarin e Komunës së Kamenicës, Begzad Sinani për të biseduar për projektet në infrastrukturë rrugore për Komunën e Kamenicës. Sinani ka falenderuar ministrin Zharku për mbështjetjen e deritanishme për Kamenicën dhe ka prezentuar tri kërkesat për këtë vit: Asfaltimin e rrugës: Bunari – Penda e Kopërrnicës, Ndërtimin e urës në hyrje të fshtatit Topanicë dhe një shumë 50.000 euro nga Ministria dhe 5.000 euro nga Komuna për asfaltime të rrugëve në qytet dhe fshatra, me realizimin e këtyre projekte ne do të përmirësohet sadopak infrastrukturën rrugore në Komunën e Kamenicës.

Ministri Zharku tha se Ministria e Infrastrukturës është e përkushtuar që ti mbështesë projektet zhvillimore në lëmin e infrastrukturës në Kamenicë dhe të thellojë bashkëpunimin e mëtutjeshëm në vazhdimin e realizimit të projekteve të reja infrastrukturore për komunën tuaj.Sot zyrtarisht nënshkruan memorandum të bashkëpunimit për projektin: Asfaltim i rrugëve në qytet dhe fshatra në vlerë prej 55.000 euro. /2L ONLINE/