Zgjidhen finalistët e çmimit ‘Artistët e së nesërmës’ 2017
Stacion – Qendra për Art Bashkëkohor Prishtinë ka shpallë vendimin e Jurisë të çmimit ‘Artistët e së nesërmës’ 2017 për zgjedhjen e finalistëve të çmimit ‘Artistët e së nesërmës’ 2017.
Juria e çmimit ‘Artistët e së nesërmës’ 2017, me përbërje Charles Esche, Erëmirë Krasniqi, Nataša Petrešin, Adrian Deva dhe Renaud Proch, ka zgjedhur tre finalistët e çmimit ‘Artistët e së nesërmës’ 2017 nga njëmbëdhjetë aplikimet. Juria ka vendosur që si bazë për vendimin dhe vlerësimin t’i ketë kriteret e praktikava të fuqishme inovative dhe ndërdisiplinare.
Finalistët e zgjedhur dallojnë shumë njëri nga tjetri në fomat shprehëse dhe përvojën e tyre, por kanë të përbashkët ambicjen për të prodhuar vepra vizuelisht imponuese, politikisht të lokalizuara apo të kontekstualizuara.
Finalisti i parë është Meriton Maloku i cili befasoj Jurinë me vizionin e tij të angazhuar për temat më imponuese të përditshmërisë sonë aktuale.
Finalistja e dytë është Enesa Xheladini, praktika e theksuar vizuele e së cilës merr formën e fletoreve dhe skicave për skulpturat dhe instalacionet publike, që vijnë nga praktika e saj arkitekturore.
Finalisti i tretë është Jetullah Sylajmani i cilli në veprat e tij merret me çështjet civilizuese si resurset, lufta dhe demokracia, në një menyrë vizuelisht ambicioze.
Juria është kurreshtare për të parë përkthimin e këtyre praktikave në formatin e ekspozitës të finalistëve të çmimit ‘Artistët e së nesërmës’ 2017 dhe të garës për çmimin.
Juria vlerëson angazhimin dhe punën e të gjithë artistëve që kanë aplikuar për çmimin ‘Artistët e së nesërmës’ 2017 dhe i inkurajon të gjithë artistët e rinj të Kosovës që të vazhdojnë punën e tyre në art bashkëkohor dhe të vazhdojnë të konkurojnë për këtë çmim të rëndësishëm edhe në edicionet e tjera.
Ky çmim i rëndësishëm i pavarur organizohet nga Stacion – Qendra për Art Bashkëkohor Prishtinë në bashkëpunim me Residency Unlimited (RU) në Nju Jork dhe mbështetet nga The Trust for Mutual Understanding në Nju Jork, Raiffeisen Bank Kosovë dhe Ambasada e SHBA në Kosovë.