Zgjedhjet në Serbi imponojnë edhe zgjedhjet në Kosovë

Njohësi i rrethanave politike në vend, Milazim Krasniqi, ka vlerësuar se mbajtja e zgjedhjeve në Serbi do t’i imponojë edhe zgjedhjet e parakohshme në Kosovë. Ai ka deklaruar se një gjë të tillë do ta imponojë Bashkimi Evropian (BE) për nevojat e veta në procesin e dialogut për normalizim të marrëdhënieve në mes të dy vendeve.

Në bisedë për “Epokën e re”, Krasniqi ka treguar se zgjedhjet në Kosovë do të mbahen tek pas funksionalizmit të Gjykatës Speciale. Më tutje, Krasniqi ka sqaruar se me zgjedhjet e parakohshme në Serbi dhe Kosovë, BE-ja do të dëshironte ekipe të reja me mandat të ri për proceset e ardhshme.