Zëvendësministri Syla priti në takim lamtumirës Zëvendësdrejtorin e NALT-it, Christian Boatswain

Zëvendësministri i Mbrojtjes, Shemsi Syla priti sot në një takim lamtumirës, ​​Zëvendësdrejtorin e Ekipit Këshillues dhe Ndërlidhës të NATO-s në Kosovë (NALT), z. Christian Boatswain.

Me këtë rast, në emër të Ministrit Mehaj, Zëvendësministri Syla i ndau mirënjohje z. Boatswain, me motivacion për rolin dhe kontributin e madh në mbështetjen e stafit vendor dhe të gjitha të arriturave të deritanishme të Ministrisë së Mbrojtjes dhe FSK-së.

Z. Boatswain nga ana e tij shprehu përshtypjet e tij të larta për të gjithë periudhën katërvjeçare të bashkëpunimit me drejtuesit e Ministrisë së Mbrojtjes si dhe angazhimin e tij me NALT-in.

Në fund zv. Ministri Syla, i uroi suksese në misionin e radhës, duke i kujtuar atij se të gjithë do ta kujtojmë me respektin dhe mirënjohjen më të lartë. /2LONLINE/