Zëvendësministri në detyrë i Mbrojtjes, Shemsi Syla vizitoi rekrutët e rinj të FSK-së

Zëvendësministri në detyrë i Mbrojtjes, Shemsi Syla, i shoqëruar nga këshilltari ushtarak i ministrit të Mbrojtjes në detyrë, Agron Berisha, zhvilloi një vizitë motivuese te rekrutët e rinj të FSK-së në Qendrën e Trajnimit Bazik në Komandën e Doktrinës dhe Stërvitjes në Ferizaj.

Me këtë rast, ai u prit nga Komandanti i KDS-së, gjeneral brigade, Jeton Dreshaj dhe shefi i Shtabit të KDS-së, kolonel Nevzat Asllani.

Gjatë kësaj vizite, zëvendësministri në detyrë vlerësoi disiplinën, përkushtimin dhe moralin e lartë të rekrutëve, duke theksuar rëndësinë e shërbimit në mbrojtje të atdheut.

Ai uroi të rinjtë për zgjedhjen që kanë bërë dhe i inkurajoi për sfidat dhe mundësitë që i presin gjatë rrugëtimit të tyre profesional në FSK.  /2LONLINE/