Zëvëndësministri Musa diskuton me kategoritë e Invalidëve dhe Viktimave Civile të Luftës për nevojat e tyre shëndetësore

Zëvëndësministri i Shëndetësisë Rrustem Musa priti në takim përfaqësues të Shoqatës së Lidhjes së Invalidëve dhe Viktimave Civile të Luftës dhe të Shoqatës se të Plagosurve Civil të Luftës.

Ky është takimi i dytë me radhë me këto kategori të luftës të cilat në takim kanë shprehur nevojat dhe problemet e tyre të fushës shëndetësore.

Përfaqësuesit e shoqatave kanë kërkuar që për nevojat e tyre të sigurohen proteza të gjymtyrëve dhe sipas informatave të tyre, në Kosovë janë rreth 58 raste që kanë nevojë për proteza.

Ata u pajtuan bashkë me drejtorin e Qendrës së Ortoprotetikës si dhe me vet Zëvendësministrin Musa, që këto proteza të sigurohen nga institucionet e Kosovës, gjegjësisht nga Qendra e Ortoprotetikës e cila funksionin në kuadër të QKUK-së.

Zëvëndësministri Musa kërkoi nga shoqatat që t’i specifikojnë kërkesat në mënyrë që të ndahet një fond për blerjen e protezave për ta.