(2L ONLINE) – Një luftë interesash të përbashkëta, të transformuar në një konkurs parimesh, me epiqendër bllokun opozitarë. Emëruesi i përbashkët i liderëve të bllokut opozitarë është, largimi i përgjegjësisë morale dhe partiake pas humbjes, dhe tendenca për krijimin e një mendimi kolektiv jo-kushtetues, për rrëzimin e fituesit të zgjedhjeve – Thaçit.
Shkruan: Drilon MILAZIMI
Shteti i Kosovës sado pak është munduar të kultivojë vlerat themelore të demokracisë si në ekzekutiv, ashtu edhe në legjislacion, mirëpo këto vlera, kanë filluar të marrin kahe tjetër, kur opozitarët e vendosin lartë në ranglistë karrierën e tyre politike dhe e vendosin poshtë stabilitetin e institucioneve dhe qytetarëve.
Sot, në vend që në qendër të debateteve mediatike e shoqërore, të vendoset tema për përmirësimin e mirëqenies së qytetarëve dhe rimëkëmbjen e zhvillimit ekonomik, sot pas shumë vitesh flitet për trazirat politike që mund ta kaplojnë vendin.
A më shumë është pozitive, ulja e prapanicës së ndokujt në kolltukë, apo stabiliteti i mendimit dhe veprimit qytetar?. Në qoftë se i shikojmë këto veprime të opozitës, atëherë ne si qytetarë mund të pyesim vet-vetën, se përse ne votojmë? A votojmë për të mirën dhe të ardhmen tonë, apo që një grup i caktuar i njerëzve, të na e caktojë, udhëheqësin tonë?
A është apo nuk është i denjë për të udhëhequr me vendin, indikatori kryesorë është sovrani – ai e determinon fituesin sipas logjikës dhe besimit të tij. Në aristokraci një grup i caktuar i njerëzve vendosë, mirëpo në demokraci, zëri i popullit është zëri i perëndisë. /2L ONLINE/