Zemaj: Kuvendi do të bëhet me ligj të veçantë

Deputeti i Kuvendit të Kosovës, njëherësh anëtar i Komisionit për Legjislacion, Armend Zemaj ka bërë me dije se deri në muajin gusht do të miratohet Ligji për Kuvendin.

Ai për Epokën e Re ka thënë se ky ligj ka për synim fuqizimin e administratës, ndarjen e rolit dhe të përgjegjësive qoftë në anën buxhetore, teknologjisë informative, prokurorimit, mbi të gjitha ndarjen e pushteteve si në aspekt me ekzekutivin po ashtu edhe me pushtetin lokal.

Zemaj ka thënë se krahas ligjit, do të hartohet edhe Rregullorja e re e Punës së Kuvendit, për miratimin e së cilës duhet 2/3 e deputetëve.