Zeka: PDK duhet të propozojë një kandidat për president që përfaqëson frymën kushtetuese dhe qëndron mbi interesat partiake

Ish-zëvendësministri i Punëve të Brendshme, Izmi Zeka, ka reaguar në lidhje me çështjen e presidentit të vendit.

“Edhe pse ka ende kohë për zgjedhjen e Presidentit, PDK duhet të propozojë një kandidat që përfaqëson frymën kushtetuese dhe qëndron mbi interesat partiake”, ka thënë Zeka.

Sipas tij, ky propozim do të ndihmonte në tejkalimin e ngërçit politik dhe do t’i siguronte Kosovës një President që respekton Kushtetutën dhe qëndron mbi ndarjet mes pozitës dhe opozitës.

“Presidenti duhet të jetë garantues i Kushtetutës, jo i interesave partiake. PDK i shërben kështu Kosovës dhe stabilitetit të saj politik”, ka thënë Izmi Zeka i PDK-së. /2LONLINE/