Zeka i gëzohet ditës së sotme kur Thaçi dha betimin për president

/2L ONLINE/ – Izmi Zeka, ish kryetar i degës së PDK-së, në Gjilan, aktualisht zëvendësministër, iu është gëzuar ditës së sotme pasi ish kryetari i tij i partisë, Hashim Thaçi, dha betimin për president të vendit. Zeka ka shkruar se Hashim Thaçi, që nga jeta studentore, lufta e UÇK-së, liria e Kosovës, shtetësia e saj, janë kaptina që lidhen ngushtë me personalitetin që tash më është President i Shtetit të Kosovës.

Ja postimi i plotë i Zekës n profilin e tij në FB:

Të nderuar qytetarë
Sot më 7 prill dha betimin për President njeriu i cili i dha formë Shtetësisë së Kosovës. 30 vite angazhim. Që nga jeta studentore, lufta e UCK-së, liria e Kosovës, shtetësia e saj janë kaptina që lidhen ngushtë me personalitetin që tash më është President i Shtetit të Kosovës z. Hashim Thaçi.
Natyrshëm dhe me një rrjedhë logjike i kaloi të gjitha sfidat për të rrumbullakuar procesin më të rëndësishëm të fundshekullit XX për shqiptarët e Ballkanit Shtetin e Pavarur të Kosovës.
Kisha kënaqësinë që të punoja gjatë më z. Thaçi. Ishte nder i madh për mua.
Urime z. President